Ofrecerán un concerto de composicións propias inspiradas na música tradicional con mestura de xéneros dende o punk ata o soul, tocadas con mandolina e guitarra (Xiao Berlai) e mais piano (Belém Tajes). A entrada é de balde, previa reserva no Fogón (tlf. 982 430 015).

O concerto deste sábado é o primeiro dunha serie de citas musicais ó longo de xullo e agosto en diferentes lugares da Pobra do Brollón, coas que o goberno municipal busca ofrecer propostas de lecer cultural e apoiar ós hostaleiros locais.

O seguinte concerto será de Xabier Vizcaíno o venres 23 de xullo no bar Avenida.