HomeCulturaRadio Océano canta a Lois Pereiro o 4 de decembro no Ateneo...

Radio Océano canta a Lois Pereiro o 4 de decembro no Ateneo de Monforte

A banda de referencia da escena punk-rock galega, Radio Océano, dará o 4 de decembro un concerto no Ateneo de Monforte para pechar os actos conmemorativos polo 25 aniversario do pasamento do poeta monfortino Lois Pereiro.

Publicado o

POR
Redacción
- Advertisement -

Radio Océano fórmase na Coruña en 1981 polo irmán do poeta, Xosé Manuel Pereiro, xunto con Santiago Romero e Pablo Iglesias, sendo referencia na escena punk e rock en Galicia, xunto con outras bandas como Os Resentidos e Siniestro Total.

En 2018, o selo Subterfuge editou o dobre vinilo Memorias do óxido, o que supuxo o regreso á actividade de Radio Océano. Agora dende o Ateneo inician unha xira que a banda bautizou como ‘Crowdfunding Indecente Tour’, unha chiscadela ao Filthy Lucre Tour dos Sex Pistols.

A xira é un xeito de dar a coñecer os novos temas de Radio Océano e asumir a produción dun novo disco, que inclúe un tema baseado no poema de Lois Pereiro ‘Revisando os danos’. Este concerto pecha un ano de actividades impulsadas dende o Ateneo Casino en homenaxe á vida e obra de Lois Pereiro no 25 aniversario do seu pasamento.

Hai tres tipos de entrada colaborativa, de 5, 7 ou 10 euros. Dependo da entrada escollida, inclúese un caderno ou bolsa de Lois Pereiro, ou ambas cousas. O concerto será ás 22.00, debendo reservar as entradas no teléfono 648 435 033, preferiblemente por WhatsApp, ou por email en ola@ateneocasino.gal.

ÚLTIMAS

27 de xuño de Portas Abertas no servizo de atención temperá de Quiroga

Dende o Servizo de Atención Temperá tiveron a iniciativa de reunir a todos/as os...

Monforte acolle o Campus Internacional Ucraíno de Verán de Ximnasia Rítmica do 24 ó 28 de xuño

O programa de contidos do Campus contará con sesións de aprendizaxe, masterclass internacional e...

“Nin un só día sen médico e unha lei de alta montaña”, pide Courel Vivo ao pleno

O concello do Incio está situado nunha zona de montaña cunhas intensas características orográficas...

O Colectivo Vermut ‘ao rescate’ do San Xoán dos Chaos, en Monforte

Moitas celebracións populares van a menos, e incluso pérdense, por falta de relevo xeracional....