HomeCulturaMostra en Sarria sobre os 50 anos do 'Belén de Begonte'

Mostra en Sarria sobre os 50 anos do ‘Belén de Begonte’

A piscina climatizada municipal acolle ata o 9 de xaneiro unha exposición sobre este nacemento electrónico que celebra o seu 50 aniversario.

Publicado o

POR
Redacción
- Advertisement -

A mostra ’50 anos do Belén de Begonte (1972-2022)’ é unha exposición a xeito de resumo que recolle en trece paneis as datas e os datos máis salientables da historia deste senlleiro belén dende o ano 1972 ata a actualidade. Trátase dun nacemento electrónico, moi completo e feito ao detalle que foi declarado “de interese turístico galego” no ano 2014.

Entre outras cousas, destácase a galeguidade do Belén, o seu carácter chairego e o papel de José Domínguez Guizán –crego de Begonte e fundador–  e de José Rodríguez Varela –creador do Belén–.

Trátase dun proxecto que impulsa o Colectivo Egeria en colaboración cos concellos de Begonte e Sarria e o patrocinio da Xunta de Galicia e o Xacobeo 21-22.

A Piscina Municipal Climatizada de Sarria está na Rúa Ánxel Fole e os horarios para poder visitar a mostra son os seguintes:

-De martes a venres: de 8:00 a 12:00 pola mañá, e de 17:30 a 21:30 h. pola tarde.

-Sábados e domingos: de 10:00 a 13:00 h.

-Os días festivos estará pechada.

Na páxina web do Colectivo Egeria pódese atopar información ao detalle sobre este proxecto.

ÚLTIMAS

A Asoc. Rechouchíos de Taboada creará un fondo de traxe tradicional galego

O Presidente da Deputación da Lugo, José Tomé Roca, vén de asinar un convenio...

Do 5 ao 10 de agosto Monforte celebra a XXIV edición de Artelemos

O Concello de Monforte vén de presentar o cartel anunciador e o programa da...

O BNG levará ao pleno provincial a demanda de mellora das infraestruturas e da xestión do regadío do Val de Lemos

O BNG buscará o acordo do pleno provincial para reclamar á Confederación Hidrográfica, ao...

A A.V. do Saviñao fala de “agravio comparativo” entre concellos na estrada provincial de Currelos a Monforte

A A.V. do Saviñao demanda á Deputación Provincial a mellora de dúas estradas en...