Adrián Diz é un músico que, levado pola súa afección por Joaquín Sabina, empezou a tocar a guitarra hai xa sete anos. Dende ese momento está metido de cheo no mundo dos concertos en directo e movendo por toda Galicia a súa playlist con clásicos dos 80-90 e outros temas máis actuais.
Así, este sábado 5 de marzo, poderemos escoitar no Ruxe-Ruxe de Quiroga moitas versións do seu referente, Joaquín Sabina, pero tamén grandes clásicos de artistas como: Antonio Vega, Los Suaves, Loquillo, Jarabe de Palo, Fito y Fitipaldis, Leiva, Melendi, Alaska, Hombres G…
Nunha entrevista concedida á La Voz de Galicia no 2021, Adrián conta como anécdota que os seus primeiros concertos chegaron grazas á oportunidade que lle deu Andrés Montes, vocalista dos Gin Toni’s e do dúo Castro e Montes. “Convidoume a cantar con el e non o dubidei. Logo animoume a que intentase contactar co Liceo de Ourense para propoñerlles actuacións en directo”.
