O libro, editado pola Asociación Socio-Pedagóxica Galega (AS-PG) coa colaboración da Fundación Galiza Sempre, percorre a etapa medieval do reino de Galiza chea de normalidade e esplendor.

A través de máis de 500 páxinas pretende dar luz sobre o noso pasado medieval e reivindicar o Reino de Galiza como reino primixenio polo que se conformou España e sacalo a luz do seu ocultamento histórico e a negación da súa identidade. Una negación que oculta os máis de  150 anos de esplendor do Reino de Galiza.

Francisco Rodríguez estará acompañado pola politóloga, Rosana Prieto Florines, vicepresidenta da Asociación Cultural A Xacia, que presentará o acto que rematará cun coloquio entre os asistentes.

Francisco Rodríguez

Francisco Rodríguez é licenciado e doutor en Filoloxía Hispánica e catedrático de literatura en instituto e un dos maiores expertos na figura de Rosalía de Castro. Militante no nacionalismo galego, foi deputado polo BNG no Parlamento Galego e no Congreso dos Deputados.