O cartel desta edición foi feito por alumnado de 4ª da ESO do IES Val do Asma, coordinados pola profesora Lola López. Así participaron do acto ademais da coordinadira os alumnos Adrián Marius, Aroa Novoa e Yanira Vázquez.

O Presidente da Asociación Cultural Amigos do Folión, Manuel Vázquez Regal, agradecu o traballo desenvolto polos rapaces e destacou “a importancia que ten para o Folión a colaboración cos centros educativos de Chantada. Estamos moi agradecidos ao IES Val do Asma, en especial á profesora Lola e aos rapaces e rapazas que dedicaron horas do seu tempo para o cartel do Folión deste ano”.

Os directivos, Víctor Fernández e Xavier Viana, entregaron ao alumnado participante un diploma conmemorativo e un agasallo en nome da Asociación Amigos do Folión. Acompañaron este acto representantes políticos da Corporación Municipal e da área de cultura da Deputación de Lugo.