Ars Combinatoria e Treixadura na 50 Noite Meiga de Sarria

Os concertos de Ars Combinatoria e de Treixadura os días 25 e 25 de agosto en Sarria forman parte da programación da Noite Meiga que se celebra desde este martes e ata o domingo na localidade.

Noite Meiga / Asociación Cultural Meigas e Trasgos

Ars Combinatoria actuará o mércores a partir das 20.00 horas na igrexa de Santa Mariña, cun repertorio das Cantigas de Santa María de Alfonso X O Sabio.

Haberá outra oportunidade de desfrutar desta actuación en Triacastela, o sábado 27 a partir das 18.00 horas na igrexa de Santiago. Os concertos enmárcanse nun convenio da Xunta coa Mancomunidade de Municipios do Camiño Francés.

Pola súa banda, o ciclo Concertos do Xacobeo recala en Sarria coa actuación de Treixadura, o xoves ás 21.30 horas na Praza da Vila.

A Noite Meiga de Sarria é unha iniciativa da Asociación Cultural Meigas e Trasgos, que ten como xornada central a noite do último sábado de agosto.

DEIXAR UN COMENTARIO

Please enter your comment!
Please enter your name here