HomeCultura"As gaitas de fol da Península e Baleares", a exposición no cárcere...

“As gaitas de fol da Península e Baleares”, a exposición no cárcere de Sarria

O deputado de Artesanía e Deseño Efrén Castro inaugurou o pasado venres en Sarria a exposición As gaitas de fol da Península e Baleares, que fai un percorrido xeográfico e histórico pola evolución deste instrumento e que poderá verse ata o 17 de febreiro no Antigo Cárcere.

Publicado o

POR
Redacción
- Advertisement -

A mostra, coordinada por Pablo Carpintero e Rosa Sánchez, acolle tipoloxías de gaitas de fol de toda a Peninsula Ibérica: asturianas, galego asturianas, leonesas, chairegas, da Galiza central, gaitas de ronquillo e gaitas de catro voces, gaitas do Baixo Miño, minhotas, coimbrãs, estremenhas, sanabresas, alistanas e trasmontanas. Tamén das Illas Baleares e de Aragón. Cada gaita leva un gran panel explicativo das súas características e réplicas ou orixinais dos tambores e bombos que as acompañaban, así como das súas palletas orixinais.

Hai expositores adicados a cada unha das idades das gaitas: Idade Antiga, Idade Media e Barroco. Nesta parte pódense ver réplicas de instrumentos moi primitivos como os aulòs do Louvre ou as pipas de Ur e outros galegos intimamente relacionados con eles. Dedicase unha parte ao desenvolvemento da gaita galega moderna, onde explicamos como nos anos 60 Basilio Carril e Olimpio Carril deron co modelo de gaita e palleta que se usan hoxe. Tamén se poden ollar as ferramentas coas que se fabricaban antigamente as gaitas de fol e tamén tódolos instrumentos que os nenos empregaban para percorrer o camiño cara á gaita dos adultos.

Unha parte desta exposición está reservada aos instrumentos femininos, pois as mulleres foron o soporte fundamental da nosa música máis cotián. Poderedes ollar réplicas de máis de vinte pandeiras, pandeiretas e adufes tradicionais. Tamén expositores adicados ao conxunto de frauta e tambor, tan presente aínda no noso arredor, e moitas máis cousas que non vos desvelamos. En total: uns 300 instrumentos musicais, entre eles máis de 50 gaitas antigas ou réplicas delas.

A inauguración da exposición completouse co concerto didáctico Música e Evolución, no que Pablo Carpintero e Rosa Sánchez afondaron a través de distintas melodías e instrumentos no significado da música como manifestación cultural esencial para os humanos.

A mostra pode visitarse de 9.15 a 14.00 horas. Tamén son posibles as visitas en grupo noutros horarios, concertando previamente nos teléfonos 982535000 ou 982530668.

Exposición gaitas / Vicepresidencia da Deputación

ÚLTIMAS

Todo listo para o VII Festival do Viño da Ribeira Sacra de Monforte

A conta atrás para a sétima edición do 'Festival do Viño da Ribeira Sacra...

As comarcas de Lemos e Quiroga fan que diminúa o paro na zona sur da provincia en xuño

Por comarcas, as de Lemos e Quiroga foron as que tiveron un mellor comportamento,...

O PP pide no Congreso acceso aos expedientes dos contratos na liña ferroviaria Monforte-Lugo que aparecen nos informes da UCO

O deputado monfortino no Congreso dos Deputados, Francisco Conde, e a deputada autonómica...

O BNG demanda a Transportes melloras na N-120A ao seu paso por Pantón

O deputado do BNG no Congreso, Néstor Rego, sinala a urxencia dos traballos de...