A obra de Manuel Jorge asómase de novo á fiestra durante a que será a corenta edición da Feira do Viño de Chantada, na que a Asociación que xestiona o seu legado abrirá as portas da súa sede no número 8 da Praza de Santa Ana para amosar cadros e presentar un avance do museo do pintor chantadino.
O público poderá coñecer a obra de Manuel Jorge e o proxecto de conservación e difusión da súa obra, así como adquirir catálogos e incluso litografías de series numeradas, sendo a primeira vez que a súa obra se pode adquirir en Galicia.
O horario de apertura do local será de 12 a 14 horas e de 17 a 20 horas o sábado e de 12 a 14 horas o domingo. Ese mesmo día, pola tarde, faranse visitas baixo reserva para o que se poderá escribir a través das redes sociais do colectivo ou escribindo a manueljorgechantada@gmail.com
