Este xoves 1 de novembro comeza na Pobra do Brollón o “I CICLO DE CINEMA GALEGO” coa proxección de “Sicixia” ás 20:15 horas. Ao rematar a película haberá unha mesa redonda co director Ignacio Vilar.
A seguinte xornada do ciclo é o xoves 8 de novembro coa presentación ás 20:00 h. e posterior pase da película “O Canteiro de Sebil” ás 20:15 h. A continuación terá lugar unha mesa redonda con César Caramês, membro de Quinteiro (proxecto comunicativo da comarca do Umia) e co arqueólogo Xurxo Ayán.
Para xoves día 15 de novembro a proxección elixida para as 20:15 horas é “A palabra Xusta”. Coa previa presentación ás 20:00 horas e terminando coa mesa redonda na que participarán o director Miguel Piñeiro e a profe Doura. O xoves 22 de novembro presentación ás 20:00 h e emisión da película “ Angrois non esquecemento” ás 20:15. Mesa redonda co Colectivo Audiovisual Lentes Diverxentes.
A película “A Esmorga” é a escollida para rematar este I Ciclo de Cinema Galego o xoves 29 de novembro. Mesa redonda co director Ignacio Vilar e a poeta Olga Novo. Para a asistencia a esta mesa redonda recoméndase a lectura da obra do mesmo nome escrita por Eduardo Blanco Amor.
