A preinscrición pódese facer na Biblioteca municipal en horario de 10:30 a 13:00h, ben por teléfono no 982430546 ou presencialmente (Casa da Cultura ‘Olga Novo’, 2ª planta). Ademais da opción online neste enlace https://forms.gle/MSF8QT6KwBe6TMjKA.

Ofértanse clases de baile tradicional, canto e pandeireta, gaita, clarinete, saxofón, tambor, bombo, guitarra, baixo, ukelele, banjo, piano, acordeón ou coral.

Unha vez finalizado o prazo de preinscrición, abrirase o prazo de matrícula e de pago. Os prezos terán un pequeno incremento para adaptalos á subida do IPC. Así, a matrícula nunha materia para persoas empadroadas na Pobra do Brollón terá un importe de 110€ para o curso completo. Para persoas non empadroadas, será de 130€. Por cada materia adicional, tanto empadroadas como non empadroadas deberán aboar 60€.