‘La chica de la ventana’ é unha curtametraxe que nace como actividade formativa que desenvolve o profesor do Colexio Escolapios de Monforte Javier Saco dentro do proxecto educativo ‘El rincón de Leonardo’.
Segundo reza na web do devandito proxecto, “La chica de la ventana é unha denuncia contra o racismo e a intolerancia, onde a creatividade preséntase como alternativa para dignificarse, potenciar a autoestima e fortalecerse diante do acoso escolar. É tamén un tributo póstumo á profesora Beatriz Pérez”.
Esta obra audiovisual foi creada no 2022, presentada na 8ª edición do Fancine de Lemos e no Camiño Creativo de Santiago e gañadora do II Certame Cineduca do Ateneo de Santiago. Tras estes recoñecementos, agora vén de gañar o VIII Festival Internacional Escolar e Universitario das Artes Audiovisuais —Emove Festival— na categoría de 2º ciclo de ESO.
O profesor Javier Saco Fernández, encargado de titorizar esta curtametraxe, está de novo incluído entre os mellores profesores de España, ao formar parte da lista de 10 candidatos aos premios Educa Abanca en Secundaria e Bacharelato. É o único de Galicia seleccionado nesta categoría.
