Este mércores 20 de marzo ás 17:00 h. a Biblioteca Pública Municipal de Chantada acolle unha sesión de contos para conmemorar o 8M. A educadora infantil e contadora Vero Rilo trae o espectáculo de narración oral “Elas”.
Con esta actividade remata a programación do “Día Internacional da Muller” organizada polo CIM, Centro de Información ás Mulleres de Chantada e a Concellería de Igualdade do Concello de Chantada.
VERO RILO
Vero Rilo é narradora oral. Antes era educadora infantil, pero quitouse diso. Dende 2013 leva contando contos, historias de vida, e outras lerias para todo tipo de público.
Feminismo, tradición, memoria histórica, resistencia, alegrías, afectos e rebeldías aparecen consciente e inconscientemente no seu repertorio.
Sempre lembra as palabras de Castelao “cada vida é una novela que se perde”. Se cadra é por iso que conta, para non perder. E conta o que aprendeu a ser, o que outras foron, o que son. Conta o que a (con)move, di que así a memoria non morre…
