O Concello de Monforte de Lemos, a través da súa concellería de Cultura, conmemorará este 17 de maio o Día das Letras Galegas, data que este ano está dedicado a Luísa Villalta Gómez.
Dentro da programación que está a desenvolver o concello do 9 ao 28 de maio, o día propio das nosas letras ten un carácter e significado especial, motivo polo cal se celebra o un festival musical con 2 entidades culturais musicais locais na Casa da Cultura Poeta Lois Pereiro a partires das 12:00 h.
O Festival abrirá coa intervención institucional do Alcalde da cidade, José Tomé Roca e despois actuarán: Asociación Cultural Amigos da Pandeireta de Monforte e Coral Polifónica do Concello de Monforte. A entrada é de balde e ata cubrir aforo.
FESTIVAL LETRAS GALEGAS 2024
Asociación Cultural Amigos da Pandeireta de Monforte
- Qué dirán ………………………………… Popular
- As Sachadeiras e o Trastallo ………. Popular
- A Trullada da Vendima ……………… Popular
- Xota de Mesía ………………………….. Popular
- Foliada do Cabe ………………………… Letra e Música: Xose Luis Cofán Vidal
Dirixe: Xosé Luís Cofán Vidal.
Coral Polifónica do Concello de Monforte
- No niño novo do vento ….Texto: A. Cunqueiro – Música: Luis Emilio Batallán
- Cada noite …………………….Texto: Rosalía de Castro – Música: Julio Domínguez
- Rodaballo ……………………..Popular galega
- Meu amor mariñeiro………Texto: Manuel Alegre e Lois A.Pousa-Música: X.L.Ribas
- Se chove ………………………..Popular galega
Director: Fernando Samartino Pérez
Acompañamento Piano: María Quiroga
Ademais, a sala de exposicións da Casa da Cultura acolle unha exposición con 10 paneis dedicados á escritora coruñesa homenaxeada este ano, e que poderá visitarse ata o 28 de maio.
