Despois do éxito de público no pasado mes de xullo, Las Vegas afronta o mes grande dos veraneantes -agosto- cunha variada oferta musical, intentando ademais encaixar os concertos fóra das festas de Quiroga e de San Clodio, ambas a celebrar nas primeiras semanas deste mes.
Abre o telón de agosto, este sábado, 3 de agosto ás 23:00 h. o grupo Los Rayitos, catro músicos compoñentes do grupo local de moda este verán, “Mario Colomán & Clocksband”.
O seguinte concerto será xa o 18 de agosto. Domingo, e en sesión vermú ás 13:30 h., amenizará a terraza Blanco e Negro, un dueto de rumbas con Víctor Movilla á guitarra.
Para rematar o Ciclo de concertos de verán, A Pista (terraza de Las Vegas) vivirá unha completa xornada o 31 de agosto. “Será unha fin de festa brutal, como se merece o público e a nosa clientela”, comenta Elena, a xerente e promotora da programación. En sesión vermú ás 13:30 h. estarán os GIN TONI’S, grupo de referencia do pop-rock nacional dos 80-90 en Galicia; e en sesión de noite, ás 23:00 h. estará a banda de rock de Coruña, The Cruze: unha homenaxe aos temas máis recoñecidos e recoñecibles do rock dos 60 aos 2000.
Todos os concertos son de balde.
