O espazo +60 da Fundación Abanca acolle este do 6 ao 27 de setembro a exposición de pintura “Percorridos, do real ó imaxinado” da pintora de Pantón e residente en Monforte, Anabel Álvarez Goyanes.
A mostra recollerá unha recopilación da obra que realizou ao longo de dúas décadas. Algunhas son de recente creación e outras reúnense para esta mostra na que poderemos ver pinturas e collages de estilos que van do realismo á abstracción.
Inaugúrase este venres 6 de setembro e estará aberta de luns a venres no espazo +60 da Fundación Abanca, Rúa Cardenal, 18 2º andar.
BIO ARTÍSTICA
Anabel Álvarez é Licenciada en Belas Artes pola Facultade de Pontevedra e dende entón profesora de Educación Secundaria en Monforte de Lemos, na especialidade de Debuxo. Do 2015 ao 2017, tamén profesora asociada da Universidade de Santiago de Compostela, Departamento de Didáctica da Expresión Artística da Facultade de Formación do Profesorado en Lugo.
EXPOSICIÓNS RECENTES
Na Fundación Abanca, na galería de arte Defímeras de Santiago de Compostela, en Studio RGF en Madrid, no espazo expositivo da Fundación Progreso y Cultura da sede central de UGT, tamén en Madrid e na Salita de Xixón, onde a súa obra foi seleccionada para unha mostra de arte abstracto.
