HomeDeportesCampus de fútbol do Celta en Monforte

Campus de fútbol do Celta en Monforte

Esta actividade deportiva, impulsada polo concello, desenvolverase ata o venres 9 nas instalacións do Campo de Fútbol Municipal Luís Bodegas.

Publicado o

- Advertisement -

O XIII Campus de Fútbol Cidade de Monforte – R.C. Celta de Vigo comezaba esta mañá ás 9:30 h. coa entrega de equipacións aos participantes, un total de 100 nenos e nenas con idades comprendidas entre os 7 e os 14 anos.

Os pequenos/as, coa expectación do primeiro día, amosaron gran emoción e afrontaron con moitas ganas este achegamento á disciplina futbolística propia de equipos da máxima categoría do fútbol nacional como é o caso do R.C. Celta de Vigo.

Esta actividade, que se desenvolverá ata o día 9 de agosto en horario de 10:00 a 13:00 h., forma parte do amplo programa deportivo de verán que organiza o Concello de Monforte para este ano 2019. Está dirixida por adestradores e monitores do R.C. Vigo que durante a semana de duración impartirán as sesión de adestramento coa metodoloxía empregada nas categorías inferiores do equipo vigués.

Momento do adestramento desta mañá. Foto: Concello de Monforte

Co prezo da inscrición no campus entraba de agasallo unha equipación do R.C. Celta de Vigo, detalle que pais e fillos/as agradeceron esperando, quizais algúns pais, que os seus pequenos/as cheguen a ser siareiros e/ou xogadores do equipo celeste no futuro.

ÚLTIMAS

Aberto o prazo de matrícula para os Cursos de Verán do Conservatorio de Monforte

Ó igual que nas pasadas edicións, os cursos vanse desenvolver en diversas semanas tanto...

Que hai que agochar nos parques comarcais de bombeiros para prohibirnos a entrada?, pregúntanse os populares

Os deputados populares preguntan a José Tomé “que ten que agochar” nos parques comarcais...

Xornada de sensibilización sobre acromatopsia no colexio monfortino da Gándara

O motivo de celebrar esta xornada en Monforte é debido a que unha alumna...

Campus de Voleibol e de Fútbol en Quiroga

O Concello de Quiroga poñerá en marcha un ano máis, e xa van 5,...