Na mañá de hoxe, 27 de setembro, tivo lugar o ‘Campionato Galego de Promoción Slalom’, unha competición na que o Club Quixós de Monforte chegaba a Mondariz con 20 barcos.

Santi Díaz, un dos responsables do equipo, amosaba a súa satisfacción despois do éxito acadado. Nada máis e nada menos que 15 medallas que se repartiron entre oito dos seus deportistas e convertiron ao club en campión galego deste encontro deportivo.

No que respecta á clasificación dos compoñentes da expedición do equipo, as posición foron as seguintes: Rodrigo foi 1º en Prebenxamín, Martín 1º en K1 e 3º en C1 Alevín, Sara 2ª en K1 e 2ª en C1 Alevín, Mara 3ª en K1 e 3ª en C1 Alevín, Noa 1ª en K1 e 1ª en C1 Infantil, Ximena 3ª en K1 e 2ª en C1 Infantil, Nerea 2ª en K1 e 3ª en C1 Infantil, Efrén 1º en K1 e 1º en C1 Infantil, Jacobo 6º en K1 e 6º en C1 Infantil, Xenxo 7º en K1 Alevín, Miguel 13º en K1 Infantil e José Andrés 14º en K1 Infantil.

Dos anteriores, aqueles que acadaron clasificarse entre os tres primeiros volveron a Monforte coas súas respectivas medallas.