InicioDeportes“Aventura no Camiño”, programa deportivo de verán en Sarria

“Aventura no Camiño”, programa deportivo de verán en Sarria

O concello abriu o prazo para inscribirse nas diferentes actividades e cursos deportivos que integran o ‘verán deportivo 2021’.

Publicado o

POR
Redacción
- Advertisement -

A Concellería de Deportes de Sarria vén de presentar as actividades de verán publicando o pasado 17 de xuño as bases para formalizar as inscricións. Segundo se concreta nas mesmas, as prazas adxudicaranse por rigorosa orde de solicitude.

Desenvolveranse nos meses de xullo e agosto, por quendas de quince días e de luns a venres en horario de mañá.

Haberá cursos de natación, con niveis que van dende a aprendizaxe ata o perfeccionamento, e contemplando ademais a atención a persoas con necesidades especiais, adultos e embarazadas; e unha ampla e variada listaxe de actividades para todos os gustos programadas baixo o título “Aventura no Camiño” por estar moitas delas contextualizadas coa ruta xacobea.

Dentro destas actividades deportivas destinadas a rapazas e rapaces de 12 a 17 anos ofrécense: Rutas de sendeirismo no Camiño de Santiago e na Ruta das Aceas, xogos sensoriais co Camiño dos Sentidos (ruta sensorial), técnicas de Vivac e Xeocaching, xincanas, multiaventura (orientación, slackline), búsqueda do tesouro pola vila de Sarria, obradoiro medioambiental e actividades acuáticas (kaiak, paddel surf e xogos acuáticos).

Os formularios de solicitude de praza están dispoñibles na páxina web do Concello de Sarria e tamén na Oficina Municipal de Información Xuvenil (OMIX) e no rexistro do concello. Para formalizar as reservas deberán entregarse as solicitudes no rexistro do concello e pagar a taxa que corresponda.

O lugar de realización dos cursos de natación será a Piscina Municipal mentres que as actividades deportivas desenvolveranse nas instalacións deportivas do concello.

Cartel

ÚLTIMAS

A A.V. do Saviñao pide aumentar as prazas de taxi

A Asociación Veciñal do Saviñao dirixiuse á Alcaldía do Saviñao coa finalidade de trasmitir...

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...