As rapazas do equipo de baloncesto que representaron a Sarria nos ‘Xogos do Eixo Atlántico’ quedaron subcampioas tras competir contra grandes seleccións como Braga, Vila Real, Lugo… e só a de Santiago puido con elas.

Cata, Claudia, Eva, Gabi, Lúa, Lucía, Mencía, Noa, Paula, Sara, Trebolle, Uxía e Zoe son historia do deporte de Sarria e esta non será a única alegría que van dar segundo vaticinan dende o concello.

No baloncesto masculino acadouse un magnífico décimo terceiro posto, mellorando as clasificacións doutras edicións, con baixas de última hora, que fan aínda mellor o resultado.

No fútbol, o equipo que participaba quedou oitavo de dezasete pero non se lles pode restar valor ao resultado dado o alto nivel das seleccións contra as que competiron.

O Concelleiro Félix Seijas recibiu múltiples felicitacións, tanto da organización como doutros concellos galegos e cámaras portuguesas.