A Subida a Chantada puntúa para o Campionato de España de Montaña e traerá dende o venres, 22 ao domingo 24 de xullo aos mellores equipos nacionais.
Como novidade desta 48 edición, este venres 22 de xullo ás 21:00 h. farase unha “cerimonia de saída” dos 74 pilotos inscritos. Iranse presentando en grupos de 5 en 5 coches diante do Auditorio Municipal. Tódalas e tódolos afeccionadas e afeccionados pódense achegar a vela. Unha vez presentados os vehículos volverán ao parque pechado da rúa Xoán XXIII.
CORTES DE TRÁFICO
Coma tódolos anos cortarase a estrada LU C-533 ao tráfico:
– Sábado, 23 de xullo a partir das 10:00 h. ata as 19:00 h. aproximadamente.
– Domingo, 24 de xullo a partir das 7:30 h. ata as 14:30 h. aproximadamente
– Desvío alternativo pola estrada CP-1811 a través do encoro de Belesar.
PRESENTACIÓN
Ao acto de presentación, que tivo lugar o mércores 20 de xullo, acudiron Manuel Diéguez, conselleiro de Cultura e alcalde en funcións do Concello de Chantada; Manuel Cadramón, delegado de Deporte Galego Xunta de Galicia; Xosé María Arias, deputado provincial da Deputación de Lugo; Raquel López, concelleira do Concello de Chantada polo PSdeG-PSOE Chantada; Alfonso Viana, presidente do Comité Organizador da proba; colaboradores, pilotos e tamén David Teixeira, vicepresidente da Cámara Municipal de Municipio de Montalegre.
A devandita localidade portuguesa celebra os días 17 e 18 de setembro o Campionato do Mundo de Rally Cross Circuíto Internacional de Montalegre. Aproveitan a carreira de Chantada polas ribeiras chantadinas para publicitala e tamén para que un dos seus pilotos, João Pires, corra esta fin de semana.
