Tras competir contra 100 equipos participantes, O Club Neka resultou ser o equipo máis premiado de todo o campionato. Non soamente quedou Campión de España na categoría de adultos e Subcampión en categoría infantil, a estes magníficos resultados, hai que engadir catro medallas de ouro, unha de prata e catro de bronce en categoría individual. Na categoría de parella dúas medallas de ouro e unha de bronce e por último, unha medalla de ouro máis, na categoría de trío.
O Alcalde felicitou ao adestrador e aos deportistas asistentes e agradeceu os éxitos acadados, “pois serven para que Monforte estea moi ben representado na elite do deporte español, europeo e mundial. Constitúe unha oportunidade única de promoción para a nosa cidade”. Tomé comprometeuse a seguir respaldando o deporte base e animounos a seguir traballando e a esforzarse para manter este nivel competitivo.
José Mª Vega, director deportivo do club monfortino, declarou sentirse moi orgulloso dos resultados acadados, que son consecuencia de todo o esforzo feito polos deportistas do club e agradeceu a recepción no Concello, “por constituír un recoñecemento ó gran traballo que están realizando estes deportistas, que tal e como afirma Vega, están levando o nome de Monforte por España.”
Os resultados acadados no Campionato de España de Taekwondo polos deportistas do Neka en Alicante, e polos que foron homenaxeados no día de hoxe, son os seguintes:
CLUB TAEKWONDO NEKA:
• Campión de España en categoría adultos
• Subcampión de España en categoría infantil
MEDALLAS DE OURO:
• INDIVIDUAL:
- -Inés Casal Peña
- -Daniel Arean Grejs
- -Laura Álvarez Suárez
- -Alejandro Losada Rodríguez
• PARELLA:
- Lucía Roca Rodríguez e Aitor Teijeiro Elidio (categoría cadete)
- Daniel Arean Grejs e Laura Álvarez Suárez (categoría junior)
• TRÍO: Alejandro Losada Rodríguez, Carlos Rey Cuadrado e José Roca Rodríguez
MEDALLAS DE PRATA:
• INDIVIDUAL: Alicia Castro Regal
MEDALLAS DE BRONCE:
• INDIVIDUAL:
- Karla Novo Taboada
- Aitor Teijeiro Elidio
- Marco García Martínez
- Lucía Roca Rodríguez
• PARELLA: Karla Novo Taboada e Marco García Martínez
Tamén participaron no Campionato: Aya Jabni López, Rosa Olmo Espinosa, Gael Díaz de la Fuente, Icia Marcos García, David Poyán López
