O Club Quixós viaxaba a pasada fin de semana a terras da Pontenova para participar nunha competición a nivel nacional de descenso de augas bravas. O balance tras a volta, espectacular, pois chegaron cun primeiro posto por equipos e 21 medallas.
En modalidade clásica foron medalla de ouro: Noa K1 junior, Efrén K1 junior, e Ximena & Noa C2; medalla de prata conseguiron: Priscila K1 veterana, Jacobo K1 cadete, Ximena K1 junior e Jacobo C1 cadete; bronce foron: Carlos & Iván C2 senior e Diego C1 cadete.
En modalidade sprint medalla de ouro para: Noa K1 junior e C1 junior, Priscila K1 veterana e Diego C1 cadete; medalla de prata para Nerea & Diego C2 mixto, Jacobo K1 cadete e Jacobo C1 cadete; e trouxeron o bronce Gabriel & Carlos C2 senior, Ximena C1 junior e K1 junior, Efrén K1 junior e Carlos K1 veterano.
Tamén tiveron unha gran participación aínda que sen alcanzar medalla: Esteban, Iago, Óscar, Jose, Yasmin, Santi e Nico.
Na clasificación por equipos o Quixós quedou primeiro, por diante do Cidade de Lugo –segundo– e O Barco que rematou terceiro.
