InicioDeportesAs promesas do Club Quixós volven de Salvaterra de Miño con 10...

As promesas do Club Quixós volven de Salvaterra de Miño con 10 medallas

Competiron o pasado domingo, 26 de marzo, na 2ª Copa Galega Promoción Slalom que se disputou en Cordeiro, nun tramo do río Tea.

Publicado o

- Advertisement -

O Club Quixós de Monforte non para de amorear éxitos. O máis recente foi este pasado domingo en terras de Salvaterra de Miño onde competían as promesas do piragüismo monfortino na 2ª Copa Galega Promoción Slalom.

Nesta segunda proba do calendario que se celebraba no río Tea, no lugar coñecido como Cordeiro, no concello de Salvaterra do Miño, as e os deportistas chegados dende Monforte acadaron un total de 10 medallas individuais e un primeiro posto por equipos.

Podium cuberto polo Quixós na categoría C1 masculino. Foto: XMF

MEDALLEIRO

No que respecta á participación en canoa os resultados con pódium monfortino foron os seguintes:

En C1 home alevín, triplete do Quixós. Xoel Fernández Méndez foi medalla de ouro, prata para Rodrigo Morillo e bronce para Lucas Pavón.

En C1 home infantil, Martín Prats levou unha prata; e en C1 muller infantil o mesmo metal para Sara Inés Varela.

En kayak tamén hai que salientar uns bos resultados co conseguinte medalleiro:

En K1 home benxamín, Antón Liñares quedou primeiro, mentres que en K1 alevín, Xoel Fernández foi prata e Rodrigo Morillo, bronce.

En K1 home e muller infantil os primeiros postos foron para Martín Prats e Sara Inés Varela respectivamente.

Sara Inés Varela, piragüista do Quixós que acadou 2 medallas. Foto: XMF

Os resultados anteriores fixeron posible que o Club Montaña Quixós quedara como primeiro clasificado nesta 2ª Copa Galega Promoción Slalom.

Santi Díaz, director deportivo do Quixós, no alto do podium para recoller o trofeo por equipos. Foto: XMF

ÚLTIMAS

A A.V. do Saviñao pide aumentar as prazas de taxi

A Asociación Veciñal do Saviñao dirixiuse á Alcaldía do Saviñao coa finalidade de trasmitir...

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...