O groso do descenso espera este ano ser o máis espectacular de tódalas edicións no que deportistas profesionais como Edgar Carballo, Toni Ferreiro, Marco Veiga, Eva Castro ou o portugués José Borges pelexaran na xornada do domingo por intentar ser os máis rápidos en descender por o espectacular circuito que percorre o pobo da Vila de Sarria dende O Campo da Feira ata a Illa do Malecón. Desde o venres cóntase cunha zona gastronómica ubicada na zona do Podium (próximo a Avenida) na que se poderá degustar da man de cociñeiros especializados un variado menú de productos locais.
Despois da actividade do ventes este sábado comézase co miniDHU con adestramentos de 09.30 a 11.00 e carreira as 11.15. Os adestramentos oficiais do DHU serán das 16:00 ás 20:00. Ás 20:30 na zona do Podium haberá un show da man de Juanda Peña (2 veces bronce do mundo en trial con bicicleta) e Victor Palomares (campión de España de moto de trial). Ás 22:00 Sila Lua que vén de facer unha xira espectacular parando no Son do Camiño, Mad Cool, entre outros, fará parada na vila de Sarria. Posteriomente actuará Youcanthide para dar paso ao set do DJ local Jor Ginho.
A xornada do domingo arrincará cos adestramentos do DHU de 10:00 a 14:00, ás 12:00 os máis cativos poderán participar nun obradoiro, totalmente de balde, para experimentar co graffiti, ubicado na zona Podium. A xornada pechará da mellor maneira, cunha ronda clasificatoria as 16:00 da tarde para dar paso a esperada final na que os máis rápidos se coroarán como campións do X DHU Vila de Sarria. Cóntase con pantallas xigantes ubicadas polo circuito e retransmitido por un speaker para que ninguén perda detalle. A organización sintese moi agradecida pola colaboración do patrocinador principal Concello de Sarria e os patrocinadores institucionales Deputación de Lugo e Xunta de Galicia
