A Xunta vén de anunciar que colabora co Campionato de España de Taekwondo, que se celebrará por primeira vez en Monforte de Lemos este sábado, 4 de maio.  O xefe do servizo de Deporte, Manuel Otero, reuniuse con José María Vega, director deportivo do club Neka, para abordar os detalles do evento.

Está previsto que participen 373 deportistas pertencentes a seleccións autonómicas de todo o Estado. Da selección galega concorren 61 participantes, 11 deles do club monfortino. A competición desenvolverase no pavillón do IES A Pinguela desputándose nas modalidades de técnica e estilo libre.

Tanto desde a Xunta como desde a organización puxeron en valor o feito de que Monforte acolla un campionato deste nivel, clasificatorio para formar parte da selección española no mundial de Honk Kong, que se disputará no mes de decembro.