HomeDeportesFesta de fin de tempada do C.P. Calasancio con entrega do pin...

Festa de fin de tempada do C.P. Calasancio con entrega do pin de ouro a Javier Anido a título póstumo

O rexedor monfortino, José Tomé Roca, presidiu a clausura da tempada e entregou os pins de prata outorgados polo Club Calasancio ós xogadores que por idade, teñen que deixar o club nesta tempada.

Publicado o

POR
Redacción
- Advertisement -

Na Festa Fin de Tempada 2023-2024 que o C.P. Calasancio celebrou no salón de actos do Colexio Nosa Señora da Antiga-Escolapios, tamén se fixo entrega do Trofeo “Alex Blanco” a dous xogadores en recoñecemento ós seus méritos. A Real Federación Galega de Fútbol – Futgal entregou os trofeos conseguidos, Campión Liga Galega Alevín Feminina Consolación 1 e o Campión Segunda Galicia Infantil.

E outorgóuselle, a título póstumo, o pin de ouro do Club Calasancio a Javier Anido, o cal recolleu a súa muller, Marina Armesto, que estivo acompañada polos seus fillos. Anido foi responsable de mantemento das instalacións do Calasancio durante máis de dúas décadas. Faleceu o 6 de abril de 2024.

Na súa intervención, José Tomé tivo un sentido recordo para Javier Anido, “un amigo co que traballamos en moitas ocasións”. Tamén destacou o rexedor monfortino a estreita colaboración que o Concello mantén co club, non só a través das axudas que lles proporcionan como club deportivo, se non tamén con investimentos na mellora das súas instalacións deportivas, como a recente renovación do céspede artificial do campo, cun investimento de 190.000€.

Tras a clausura oficial da tempada, tivo lugar unha cea de confraternidade no pavillón polideportivo do Colexio.

ÚLTIMAS

O programa para a XXI Feira Medieval darase a coñecer na inauguración do ‘mercado temático’ da Praza de Abastos de Monforte

O Alcalde de Monforte, José Tomé Roca, inaugurará este sábado día 5 de abril ás...

Agreden a un árbitro menor de idade tras o partido entre o Calansancio e o Arenteiro

A familia dun árbitro de 16 anos presentou unha denuncia ante a Policía Nacional...

O Concello de Chantada inviste 53.000€ na adecuación da contorna da igrexa de Santa María de Nogueira

O Concello de Chantada conta cunha subvención da Axencia de Turismo de Galicia de...

Monforte estrea pistas de tenis con plataforma automatizada de alugueiro

Rematan as obras de reparación das pistas de tenis municipais consistentes na mellora do...