A provincia vai ser o escenario da etapa máis montañosa do Gran Camiño 2025. Así o confirmaron Ezequiel Mosquera, director da carreira, e Efrén Castro, vicepresidente da Deputación de Lugo, durante o acto de formalización do apoio da Vicepresidencia da Deputación de Lugo á proba ciclista, que este ano contará con cinco etapas – unha por provincia e outra en Portugal.

A proba contou na provincia cunha contrarreloxo individual en Sarria na primeira edición, unha etapa entre Lugo e Sarria (con paso polos concellos de Guntín, Portomarín, Taboada, Chantada, O Saviñao, Pantón, Monforte de Lemos, A Pobra do Brollón, Bóveda, O Incio e Samos), na segunda, e un itinerario pola Ribeira Sacra Lucense (Taboada, Monterroso, Palas de Rei, Guntín, Portomarín, Paradela, O Saviñao e Chantada), na terceira,

Alejandro Valverde, gañador da primeira edición, e Jonas Vingegaard, vencedor nas dúas seguintes, forman o palmarés da proba, que contou desde a primeira edición co apoio da Vicepresidencia da Deputación de Lugo no obxectivo de consolidar no calendario unha gran volta ciclista que situase Galiza no calendario do ciclismo internacional.