O Novo Pavillón polideportivo municipal de A Pinguela, en Monforte, acolleu este sábado 11 de xaneiro pola mañá o Campionato Galego de Técnica e Freestyle de Taekwondo, organizado pola Federación Galega, o Club Neka, e coa colaboración e patrocinio do Concello de Monforte de Lemos e a Deputación de Lugo.
Para competir neste Campionato Galego de Taekwondo chegaron á cidade do Cabe 150 taekwondistas procedentes de toda Galicia, participando deportistas de 11 anos en adiante.
O Concelleiro de Deportes, José Manuel Mougán, en representación do Alcalde de Monforte, José Tomé Roca, fixo entrega dos diferentes trofeos e medallas e estivo acompañado pola Concelleira de Sanidade e Tráfico, Pilar Espinosa, así como o Presidente da Federación Galega de Taekwondo, Juan Carlos Eiríz López, o Secretario Territorial da Xunta en Lugo, Alejandro Fontela e o director deportivo do Ximnasio Neka, José María Vega.
TAEKWONDISTAS MONFORTINOS PARTICIPANTES
Cadete femenino: Alba Díaz, Alicia Castro e Inés Casal.
Júnior femenino: Lucía Roca.
Júnior masculino: Alan David Bustamante e Aitor Teijeiro.
Sénior 1 masculino: Álex Camba, Carlos Rey, José Roca, Marco García e Daniel Areán.
Sénior 1 femenino: Laura Álvarez, Nerea Mora e Icía Marcos.
MEDALLEIRO PARA OS/AS DEPORTISTAS LOCAIS
No que respecta aos ouros, 5 medallas quedaron en Monforte. Taekwondistas: Alex Camba, Laura Álvarez, parella Laura Álvarez e Dani Árean, parella Aitor Teijeiro e Lucía Roca, trío Alex Camba, Marco García e Carlos Rey.
Tamén se acadaron 4 pratas que foron para: Lucía Roca, Aitor Teijeiro, Inés Casal e trío Alicia Castro, Inés Casal e Alba Diaz.
