A celebración do ‘Preeuropeo de Voleibol Feminino sub-16’ en Monforte de Lemos supuxo, ademais dun éxito de organización, unha importante promoción do voleibol nun Concello que conta cun gran número de practicantes que realizan a sua actividade no Club Korbis e no C.V. Ribeira Sacra, clubs que ademais colaboraron activamente na organización do campionato.
O pasado domingo xugouse a última xornada que enfrentou ás seleccións de Italia, Finlandia, Austria e España por unha das dúas prazas que dan acceso a participar no Campionato de Europa. A selección Española, que asegurou a súa participación no Campionato de Europa tras vencer a Austria no partido disputado o sábado no Pavillón de A Pinguela, enfrontouse nesta última xornada a un dos equipos rivais mais fortes da competición que é foi a Selección Italiana. O partido deulle a vitoria á Selección Italiana con un axustado resultado, “nun encontro moi igualado e de máxima emoción no que a afección de Monforte volcouse coa Selección Española”, comentan fontes do concello.
España, asegurada xa unha das dúas primeiras posicións do grupo E, disputará o Campionato de Europa en Albania e kosovo, do día 2 ó 13 de xullo.
ORGANIZACIÓN DO EVENTO E AGRADECEMENTOS
Este evento deportivo estivo organizado pola Federación Española de Voleibol e contou co patrocinio do Concello de Monforte aportando una subvención de 15.000 €. A realización do mesmo supuxo, entre outras cousas, a posta en valor do Pavillón Polideportivo Municipal de A Pinguela –reformado no ano 2023– demostrando a súa competencia para albergar eventos internacionais destas características.
O Concelleiro de Deportes de Monforte, José Manuel Mougán, acudiu ao evento en representación do Concello e felicitou ás xogadoras da selección española polos éxitos acadados e polo nivel de xogo que demostraron no Preeuropeo, desenxándolles tamén sorte para o Campionato Europeo.
Pola súa banda, o Alcalde quixo transmitir a súa felicitación ao equipo español así como ao corpo técnico e tamén transmitir a súa satisfacción porque esta competición de alto nivel se celebrara en Monforte, convertendo a cidade como referente do voleibol. Así mesmo, agradeceu á Federación Española de Voleibol, así como ao Club deportivo Korbis e ao C.V. Ribeira Sacra, todo o traballo que están a facer por esta disciplina deportiva na cidade, así como a súa iniciativa por traer a Monforte esta competición.
