O pasado xoves día 20 de novembro deu comezo no Club de Golf Río Cabe de Monforte a competición de golf na modalidade de Pitch & Putt bautizada como “A Liga das Grandes Adegas de Amandi”. Está patrocinado por catro adegas da subzona de Amandi: DON BERNARDINO, VIÑEDOS ZARZAGAL, TEAR e VIÑA FRIEIRA.
A liga consta de tres probas, a primeira das cales xa se celebrou os días 20, 21 e 22 de novembro. A segunda xeira disputarase os días 4, 5 e 6 de decembro, e haberá unha xornada final os días 18, 19 e 20 de decembro.
Todas as probas dispútanse de forma individual cuxos resultados, tanto scratch como hándicap, irán conformando unha clasificación xeral na que se terán en conta as dúas mellores tarxetas de cada xogador/a.
Haberá tamén premios por cada proba consistentes en viño tamén das catro adegas. A liga rematará o día 20 de decembro onde se realizará a entrega de premios de cada proba e darase conta da clasificación xeral.
Dende a organización agradecen a colaboración entre os viticultores da subzona de Amandi e a súa aposta polo deporte comarcal patrocinando esta liga de Pitch & Putt.
