Monforte acolleu, por terceiro ano consecutivo, o Campionato Galego de Taekwondo coas modalidades de Técnica e Freestyle nas instalacións do Pavillón da Pinguela este pasado domingo 27 de xaneiro. Foi primeira proba do ano 2019 e houbo 226 inscricións nas diferentes categorías.
Os deportistas do Ximnasio Neka, co nivel que os caracteriza, adxudicáronse 12 medallas: 2 ouros, 3 pratas e 7 bronces. Por equipos, en técnica categoría masculina, o Neka conqueriu o bronce.
Os gañadores dos ouros foron Daniel Areán, en individual, e Laura Álvarez e Daniel Areán por parellas. Levaron medallas de prata Álex Camba, a parella formada por Elena Varela e Álex Camba e o trío composto por Anxo Díaz , Luis García e José Roca. E xa no apartado de bronces, os galardonados foron Mauricio Galvis, Laura Álvarez, Elena Varela, Carlos Rey e a parella formada por Marco García e Carla Pardo. Na modalidade ‘freestyle’ acadaron o bronce a parella composta por Elena Varela e Álex Camba e o quinteto integrado por Ana López, Laura Álvarez, Karla Novo, Daniel Areán e Marco García.
Despois dos bos resultados acadados o Neka prepara xa a vindeira competición que será o Open de Alemaña.
