As actuacións de substitución das luminarias fixéronse na rúa Lagares (20 farolas), rúa Real (12 farolas), Praza dos Chaos (6 farolas) e na Florida (5 farolas). Con estas actuacións desde o  equipo de goberno din buscar unha mellora global do alumeado público para conseguir unha cidade con máis luz. Anuncian que nos próximos meses se desenvolverán proxectos similares en barrios como o da Estación.

Segundo o alcalde de Monforte, José Tomé, o equipo de goberno tiña claro que a mellora do alumeado público tanto urbano como rural era unha prioridade. Así por exemplo sinala que no medio rural son en total 200 puntos de luz os que hoxe funcionan, entre a instalación de novas farolas e o encendido das que estaban apagadas, unha cifra á que nunca antes se chegara.