Lemos e Chantada reciben 4.5 millóns da Deputación de Lugo a través do Plan Único 2018. Así o sinalou o deputado de Relacións Internacionais Álvaro Santos Ramos aos veciños dos 14 concellos da zona de Lemos, Chantada e Ulloa nunha xuntanza na que estivo acompañado polo alcalde de Monforte José Tomé Roca e os deputados provinciais Pilar García porto e Miguel Ángel Sotuela Vega, informou
“Achegamos aos 54.000 veciños que viven na zona sur da provincia 4.5 millóns para mellorar a súa calidade de vida. Pois estos fondos, que proveñen do Plan Único 2018, son para a execución de maís de 60 obras de mellora, por valor duns 2.9 millóns de euros, de servizos públicos municipais como estradas. Destinamos outros 415.000 euros á atención a maiores a través do financiamento de 41.130 horas de Servizo a Domicilio para persoas non dependentes”, dixo.
Ademais, destacou que a deputación xerará 70 novos postos de emprego e dinamizará social e economicamente a vida nos municipios do Sur con preto de 250.000 euros, “que permitirán desenvolver 13 iniciativas turísticas, 44 culturais e outras 13 deportivas”. Co Plan Único 2018, a Goberno da Deputación achega aos máis de 31.000 veciñós dos 6 concellos da comarca de Lemos (Bóveda, Monforte de Lemos, Pantón, A Pobra do Brollón, O Saviñao e Sober) uns 2.6 millóns de euros.
Para a comarca de Chantada a partida presupuestaria para os case 14.000 veciños dos 3 concellos da comarca (Carballedo, Chantada e Taboada) é de 1 millón de euros. A Deputación baseou o reparto das cuantías económicas en base a datos obxetivos como son poboación, superficie, entidades poboacionais, taxa de paro e índice de envellecemento.
