As expectativas son moi optimistas e ilusionantes pois aseguran que despois dos bos resultados alcanzados durante a fin de semana de San Xoán, cunha media dun 80 % de ocupación na provincia de Lugo, “a campaña de verán preséntase prometedora, en particular para a segunda quincena de xullo e primeira de agosto”.

Segundo traslada a APEHL, na Ribeira Sacra a previsión media de ocupación hostaleira é do 75 %, chegando algúns establecementos a poder cubrir o 90 %.

No particular caso de Sarria, vila por onde pasa o Camiño de Santiago, a previsión de ocupación nalgúns hoteis estará entre o 90 e o 95 %.

Estas boas previsións daranse sobre todo desde a segunda quincena de xullo e ata a ponte do 15 de agosto.