InicioEconomíaAcordo da Mancomunidade do Camiño Francés con Correos Market

Acordo da Mancomunidade do Camiño Francés con Correos Market

A Mancomunidade de Municipios do Camiño Francés en Galicia asinou días atrás un acordo con Correos Market para promocionar e distribuír os produtos locais do roteiro a través da súa páxina web.

Publicado o

POR
Redacción
- Advertisement -

Este acordo permite dar visibilidade aos produtores e pequenos comercios presentes nos 11 municipios que forman parte da Mancomunidade. Os seus comerciantes e produtores  poderán promover e difundir os seus produtos, ademais de vender en liña e distribuír con Correos a calquera punto do territorio nacional de maneira sinxela e segura. Foi asinado hai uns días polo presidente da Mancomunidade e rexedor de Sarria, Claudio Garrido e o director de Correos Market, Iván Maroto.

O devandito convenio súmase a outras iniciativas levadas a cabo por Correos para promocionar o Camiño Francés como os vídeos con consellos dos carteiros sobre que se pode ver nas diferentes localidades, a difusión gratuíta dun plano do Roteiro, información completa do Camiño a través da páxina web www.elcaminoconcorreos.com ou con servizos específicos para o peregrino como o transporte de mochilas, o envío de bicicletas ou maletas ou a promoción dos aloxamentos presentes no Camiño.

A través desta iniciativa, Correos ofrece a súa infraestrutura aos pequenos produtores locais, poñendo á súa disposición a rede loxística e as 2.370 oficinas da compañía distribuídas por todo o país.

ÚLTIMAS

O alcalde de Monforte recibe ó novo inspector xefe da Policía Nacional

O encontro foi unha primeira toma de contacto e serviu para facer un repaso...

Raquel Arias destaca as inversións da Xunta no patrimonio histórico da Ribeira Sacra

A deputada popular, Raquel Arias, indica que, nos últimos anos, a Xunta destinou 5,2...

O comercio de Sarria entrega os vales de San Valentín

Os establecementos asociados sortearon, para esta campaña, catro ceas para dúas persoas polas compras...

O Colado do Vento, de Sober, organiza un obradoiro para concienciar sobre a nosa etnografía

O proxecto de 'Galicia latente' ten como base un estudo-libro homónimo de recollida e...