A miniempresa Alfaia de Chorima xorde no ámbito educativo do IES A Pinguela de Monforte de Lemos. O seu obxectivo principal é a creación de xoias feitas con resina e flores autóctonas da Ribeira Sacra e O Courel, dúas zonas de grande valor paisaxístico e natural. Buscan fusionar a beleza das xoias coa riqueza da natureza galega, utilizando resina para encapsular as delicadas flores autóctonas. As xoias resultantes son pezas únicas, nas que se aprecia a singularidade e a esencia do entorno no que se desenvolve o proxecto.

Ademais de promover a creatividade e a artesanía, tamén busca dar a coñecer a riqueza e a importancia das flores autóctonas presentes na Ribeira Sacra e O Courel. Así, estudantes e membros da comunidade educativa do centro, aprenden sobre a creación de xoias, o traballo coa resina e o coñecemento das especies florais autóctonas. Promóvese tamén a cultura emprendedora e o desenvolvemento de habilidades empresariais entre os participantes.