HomeEconomíaPremios ao desenvolvemento do sector do aceite en Galicia

Premios ao desenvolvemento do sector do aceite en Galicia

A Asociación de Produtores de Aceite e Aceituna de Galicia (APAAG) entregará o vindeiro día 10 de novembro en Quiroga os primeiros premios que recoñecen o labor de persoas e institucións que destacaron pola colaboración e apoio ao sector.

Publicado o

- Advertisement -

O cultivo de oliveiras pasa por un bo momento e o sector empeza a crer no potencial que ten Galicia neste sentido. Co obxectivo de darlle pulo á tradición olivareira existente en Galicia e buscando agrupar nunha mesma entidade a todas/os os produtores de aceite e oliva do territorio galego naceu no 2014 a APAAG. Esta entidade conta actualmente con máis de 100 socios/as, máis de 130 hectáreas plantadas e unhas 140.000 oliveiras en produción. O sector crece, empeza a ser unha alternativa viable para valorizar o rural galego e xa se traballa tamén por acadar unha futura DO ou IXP que recoñeza a calidade do aceite galego.

Oliveiras nos Anguieiros e de fondo Montefurado / XdL

Ademais de dar cobertura ás necesidades dos socios/as con asesoramento, formacións, apoio, investigación, etc, a asociación pensou este ano en conceder uns premios como recoñecemento do labor de persoas e institucións que apoian a APAAG e o desenvolvemento do sector do aceite en Galicia nos últimos anos.

Así, pois, o vindeiro día 10 de novembro celebrarase o acto de entrega de premios na almazara Ouro de Quiroga a partir das 10:30 h. (lugar de A Provide s/n no polígono industrial do Concello de Quiroga). O recoñecemento faise coincidir co inicio da campaña de recollida que empezará, segundo indican as previsións, a mediados de mes.

Recolección de olivas / Foto: Pedro Ivedo

Estes premios son os primeiros que entrega a Asociación de Produtores e reunirá a un amplo número de persoas, dende asociados/as a convidados/as; entre estes últimos estarán o Conselleiro de Medio Rural José González Vázquez e representantes institucionais de zonas de tradición olivareira do sur de Lugo, da Montaña de Ourense ou o Ribeiro, así como tamén outros grupos que colaboran coa APAAG.

Os premiados desta primeira edición son: Fundación Juana de Vega, CSIC (Centro Superior de Investigacións Científicas) , Consellería do Medio Rural e Charo Andrade (Socia de APAAG).

ÚLTIMAS

O IES Río Cabe felicita ao seu alumnado polas notas da ABAU

Dende o IES Río Cabe veñen de faccer público un comunicado no que trasladan...

O BNG insta no Parlamento arranxar de modo íntegro e real a estrada LU-651

O Bloque Nacionalista Galego instou no Parlamento arranxar a estrada LU-651 tendo en conta...

Por Chantada denuncia un ano máis a xestión do Campamento de Verán

Por Chantada-Interior Galego Vivo vén de solicitar acceso ao expediente de contratación da xestión...

Monforte desvela o cartel das Festas Patronais 2024

As Festas Patronais da cidade de Monforte, que terán lugar do 11 ao 16...