Quiroga acollerá este domingo, día 27 de agosto, unha Feira de Artesanía e Produtos Locais coincidindo coa Feira de Mercado do día 27. Tras dúas edicións anteriores, a mostra intenta consolidarse xa no calendario de eventos para dinamizar a economía local.

A Asociación de Artesáns galegos “Tarabelada”, da que forman parte varios emprendedores locais, é a que se encarga da organización deste mercado en colaboración co Concello de Quiroga.

Tras o éxito dos dous anos anteriores, dende o concello decidiuse continuar colaborando na organización de novos mercados como este nos que se poderán atopar todo tipo de produtos alimenticios e artesáns da nosa comarca, moitos deles amparados baixo o selo Artesanía de Galicia.