HomeEconomíaDous proxectos de Monforte e un da Estrada gañan o IX Concurso...

Dous proxectos de Monforte e un da Estrada gañan o IX Concurso de Proxectos Empresariais Semente Ribeira Sacra

Chorima Cosmética Atlántica da Estrada e dous proxectos de Monforte, LamasDulce, galletas personalizadas e Bikarte, servizo de alugueiro de bicicletas con servizo de visitas guiadas a través dunha App, gañan o IX Concurso de Proxectos Empresariais Semente Ribeira Sacra.

Publicado o

POR
Redacción
- Advertisement -

O xurado da IX Edición do Concurso de Proxectos Empresariais Semente Ribeira Sacra, tras avaliar a presentación dos proxectos durante o día de hoxe, decidiu outorgar os seguintes premios:

1º Premio de 10.000€ para Chorima Cosmética Atlántica (A Estrada). Un proxecto para obter extractos vexetais para uso no sector da cosmética, mediante a Extracción Asistida por Ultrasonido (EAU). Unha técnica innovadora para a valorización de residuos da industria agroalimentaria (bagazo, podas, productos frescos rexeitados…). Inclúe a produción dunha liña cosmética baseada nestes extractos en combinación cas últimas tendencias en cosmética. Co apoio da área de Valorización, Transferencia e Emprendemento da USC ultiman a solicitude de IEBT (Iniciativa de emprendemento de base tecnolóxica) para o proxecto.

2º Premio de 6.000€ para LamasDulce (Monforte de Lemos). Un proxecto de galletas decoradas personalizadas, que nace como promesa á filla da promotora. Co obrador de Monforte de Lemos pretenden outorgarlle un toque personalizado e exquisito a calquera celebración, entregando as galletas en man ou a través de envío por mensaxería. Priorizan o packaging dos seus produtos e a sustentabilidade.


3º Premio de 4.000€ para Bikarte (Monforte de Lemos).
Empresa de alugueiro de bicicletas con servizo de visitas guiadas a través dunha App que permite coñecer roteiros diferentes con contido cultural, patrimonial, artístico e natural. Con Bikarte pretenden posicionarse no mercado de Turismo Activo a nivel nacional e internacional e ser un referente de empresa sostible e responsable co medio ambiente na Ribeira Sacra respondendo á necesidade de mobilidade alternativa ao transporte motorizado tradicional.

Desde a Asociación Semente de Monforte e todas as empresas e institucións colaboradoras nesta IX edición do Concurso de Proxectos Empresariais Semente Ribeira Sacra felicitan aos gañadores, e a todos os proxectos participantes, pola altísima calidade das iniciativas presentadas e o talento e a ilusión como emprendedores.

A entrega de premios e de diplomas a todos os proxectos finalistas fíxose despois da cea de confraternidade celebrada no Parador de Monforte, na que participaron o que fora Conselleiro de Economía, Empresa e Innovación, Francisco Conde, que desde o comezo apoiou este concurso empresarial; a Directora Xeral de Emprendemento e Apoio ao Emprego, Margarita Ardao, Vicepresidencia da Deputación, alcaldes dos concellos que colaboran coa iniciativa e representantes das empresas e universidades que tamén a avalan.

Convidouse asemade coa asistencia dos 10 proxectos finalistas no concurso e dos gañadores da pasada edición, Lácteos Ribeira Sacra. Presentando o acto a presidenta de Semente de Monforte, Pilar López. Desde o seu inicio o concurso ten contribuído a impulsar máis dunha vintena de proxectos innovadores que dinamizan o medio rural e que, a partir do concurso, se converteron en realidade.

ÚLTIMAS

O 19 de xullo comeza o servizo de lanzadeiras na Ribeira Sacra cunha nova ruta desde Chantada

O servizo de lanzadeiras que pon en marcha o Consorcio de Turismo da Ribeira...

Promoción de produtos agroalimentarios de calidade en Bóveda

A XXI edición da Feira Outrora, en Rubián, contou este ano coa presenza da...

A Xunta Local de Seguridade de Chantada coordina o dispositivo da Subida a Chantada e das Patronais

A 51ª edición desta proba automobilística celebrarase os días 25, 26 e 27 de...

Sarria celebra desde este 14 de xullo ata o día 20 a IV edición do Ultreia e Suseia

Sarria acolle desde este luns e ata o 20 de xullo unha nova edición...