A través deste plan os municipios poden desenvolver actuacións en materia de infraestruturas, creación de emprego, servizo de axuda no fogar, actividades, eventos, administración electrónica ou protección civil.
Por municipios o reparto queda como segue:
| BÓVEDA CHANTADA FOLGOSO DO COUREL INCIO (O) LÁNCARA MONFORTE DE LEMOS PANTÓN PARADELA POBRA DO BROLLÓN (A) | 247.462,42 € 471.753,85 € 270.893,75 € 287.473,38 € 295.916,49 € 550.000,00 € 326.917,50 € 289.049,48 € 284.191,49 € |
| QUIROGA RIBAS DE SIL | 350.510,73 € 228.463,88 € |
| SAMOS | 282.057,68 € |
| SARRIA | 550.000,00 € |
| SAVIÑAO (O) | 382.725,05 € |
| SOBER | 321.811,91 € |
| TABOADA | 326.918,84 € |
“Cumprimos co acordo que temos no Goberno de incrementar ao longo do mandato o Plan Deputación nun millón de euros, cun cuarto de millón cada ano. Polo tanto, no 2024 subímolo en 250.000€”, asegura Tomé.
Por cuarto ano consecutivo, o Executivo provincial saca adiante o Plan Deputación no exercicio anterior ao seu período de vixencia, “o que permite ás entidades locais planificar as accións municipais con maior antelación e traballar con máis previsión e prazo, de forma que poden aproveitar mellor os fondos”.
As bases do Plan Deputación publicaranse no Boletín Oficial da Provincia (BOP) o día 8 de xaneiro, pasadas as datas de Nadal, “o que tamén facilita aos concellos ter máis tempo para elaborar as memorias e proxectos das obras que queiran presentar con cargo a estes investimentos”.
