Este 20 de novembro desenvolvíase o I Foro de Emprego Ribeira Sacra que promove a Asociación de Empresas Ribeira Sacra Next coa colaboración de entidades Sociais do territorio: Acción contra el Hambre, Igaxes, Albores, Cáritas, Fundación Belarmino Fernández Iglesias e Provivienda.
O encontro, que tivo lugar no Centro do Viño da Ribeira Sacra reuniu a máis de 40 persoas representativas do tecido empresarial da contorna e das entidades sociais da Ribeira Sacra. O Foro reunía así a dúas partes fundamentais no proceso de oferta e demanda de emprego, abrindo o sector empresarial á sociedade para poder establecer as sinerxias adecuadas.
Nas súas conclusións e plan de traballo destácase como máis significativas:
1.- Á hora de falar de Emprego, o problema máis destacado no territorio é a falta de man de obra e a necesidade de vinculala con dúas cuestións transversais: Vivenda e Formación.
Para abordar o problema da Vivenda e garantir ás persoas propietarias unha seguridade xurídica completa que facilite as condicións de acceso a vivenda por parte dos inquilinos/as, considérase necesario a creación dunha figura ou entidade, que facilite e faga posible estas dúas condicións.
Con respecto a Formación considérase necesario elaborar un mapa da Ribeira Sacra onde se referencien as necesidades das empresas e a formación existente, para así afianzar as fortalezas coas que se conta e demandar as necesidades oportunas.
Foro Emprego Ribeira Sacra / Ribeira Sacra Next
2.- Considérase fundamental establecer unha comunicación permanente entre as necesidades de emprego das empresas e as persoas que buscan traballo. Ademais da coordinación necesaria para iso, unha importante ferramenta de recursos humanos para as empresas será o portal de emprego que acaba de poñer en marcha a Asociación de Empresas Ribeira Sacra Next e que ofrece un canal específico para o territorio onde unir as necesidades de emprego das empresas coas persoas que buscan traballo. As persoas presentes coindiron en calificala como a primeira plataforma de emprego nunha zona onde non hai empresas de traballo temporal nin servizos axeitados ás necesidades reais.
3.- Fixouse como necesidade imperiosa, o traballo colaborativo entre todas as entidades participantes e os restantes actores do territorio para definir as actuacións necesarias para impulsar esta plataforma de emprego e poñer solucións a cuestións como vivienda e formación.
O xerente de Ribeira Sacra Next, David Diéguez, explicaba que, “a plataforma vaise nutrindo progresivamente e cantas máis persoas e empresas se dean de alta, mellor servizo poderá ofrecer. Polo momento temos unha trintena de ofertas e imos nutrindo a plataforma coa colaboración das técnicas de emprego das entidade sociais. A idea é que na medida que a plataforma medre, poidamos contratar unha persoa específica para a súa xestión”. Nesta mesa expuxéronse xa experiencias coa aplicación e deuse conta de casos de éxito coa contratación de 6 traballadores.
O I Foro de Emprego Ribeira Sacra contou coa participación de Carmen José López Directora Territorial da Consellería de Emprego, Comercio e Emigración en Lugo e César Blanco, Presidente da Confederación Emprearial de Ourense, ademais de representantes das asociacións colaboradoras, Acción contra el Hambre, Albores, Cáritas, Igaxes, Provivienda e a Fundación Belarmino Fernández.
Foro Emprego Ribeira Sacra / Ribeira Sacra Next
