HomeMedio ambiente e PatrimonioMedio Rural ofrecerá axudas para previr os danos causados por incendios

Medio Rural ofrecerá axudas para previr os danos causados por incendios

Estes apoios están destinados a dúas liñas de acción: as destinadas ao control selectivo do combustible forestal e á construción de puntos de auga.

Publicado o

- Advertisement -

A Consellería do Medio Rural vén de anunciar que subvencionará a prevención dos danos causados aos bosques por incendios, desastres naturais e catástrofes. Poderán beneficiarse destes apoio os titulares de montes veciñais en man común, agrupacións, mancomunidades e Sociedades de Fomento Forestal (Sofor). Na provincia de Lugo o total das axudas ascende a máis de 1.130.000 euros, que chegarán a 126 beneficiarios.

Dentro deste proxecto recóllense dúas liñas de subvencións. Unha está destinada ao control selectivo de combustible forestal e a outra é para a construción de puntos de auga. Serán os propios solicitantes quen presenten un plan de traballo de acordo cunha delas, e comprometeranse a levar a cabo esas tarefas nun prazo de catro meses dende a notificación da concesión da axuda. Nalgúns casos, a porcentaxe que se subvencionará chegará ao 100% do custe das accións.

Estas axudas chegarán a 37 concellos da provincia lucense, con cantidades entre os 2.800 e os 25.000 euros. En Galicia, o montante destas subvencións é de máis de 4,5 millóns de euros.

ÚLTIMAS

Arias felicita ao cociñeiro Rafa Centeno e ao equipo do restaurante Vértigo por lograr a primeira Estrela Michelín da provincia

Arias visitou o establecemento acompañado do alcalde de Sober, Luis Fernández, para felicitar ao...

Enonatur e unha iniciativa inclusiva do Club Fluvial de Monforte, premios AGADER 2025

A conselleira de Medio Rural, María José Gómez, definiu estes galardóns -aos que este...

Xornada de formación no SAF de Quiroga

A formación tivo unha primeira parte na que a coordinadora do servizo e traballadora...

‘RecilLemos de xeito sostible’ reforza a sensibilización veciñal monfortina con accións a pé de rúa

O Concello de Monforte de Lemos impulsa a campaña de sensibilización “RecicLemos de xeito...