InicioMedio ambiente e PatrimonioAntonio Rigueiro, “a maioría da poboación está a favor da volta do...

Antonio Rigueiro, “a maioría da poboación está a favor da volta do oso pardo ao Courel”

Así o afirma o director da Estación Científica do Courel, dependente da Universidade de Santiago de Compostela, ao tempo que estima en dous ou tres exemplares o número deles na serra.

Publicado o

- Advertisement -

EFE.- A Estación Científica do Courel (ECC), está ligada á Escola Politécnica Superior do Campus de Lugo, e está a converterse no centro loxístico e campamento base dos investigadores no programa Life Oso Courel, un proxecto europeo no que a institución académica colabora coa Fundación Oso Pardo.

Antonio Rigueiro, que ademais de director desta estación científica é catedrático do Departamento de Produción Vexetal da USC, recoñece que o traballo que vén desenvolvendo o proxecto Life Oso Courel é de gran valor e que serve ademais para “sensibilizar á poboación local dos beneficios socioeconómicos que pode reportar a presenza desta especie”. Abondando neste argumento afirma que as  avantaxes “serán superiores aos estragos que lles podan causar aos produtores locais” e que “se atrevería a dicir que a maioría da poboación co Courel está a favor da volta do oso pardo a unhas montañas nas que xa viviu ata hai pouco máis dun século”.

as  avantaxes “serán superiores aos estragos que lles podan causar aos produtores locais”

Segundo informan tamén dende o gabinete de comunicación da USC, os promotores do Life Oso Courel acometeron nas últimas semanas accións orientadas a converter as serras courelás en hábitats máis acaídos para o oso. Neste senso leváronse a cabo traballos de reforestación en determinadas áreas de montaña e da plantación de especies arbóreas cuxo froito serva de alimento para esta especie.

A última campaña de plantacións realizadas ao abeiro do proxecto rematou o pasado mes de abril, segundo comunicou a propia Fundación Oso Pardo, e as reforestacións fixéronse en oito montes veciñais en man común dos concellos de Folgoso do Courel e de Quiroga, así como en parcelas privadas despois de alcanzar acordos cos propietarios.

ÚLTIMAS

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...

6 empresas locais constrúen novas naves no Polígono dos Acivros, en Chantada

O alcalde de Chantada, Manuel Lorenzo Varela, vén de visitar o Polígono dos Acivros...

A Deputación urxe á Xunta a acometer o desdobramento da totalidade do corredor Nadela-Monforte

O Presidente da Deputación de Lugo, José Tomé Roca, evidenciou a necesidade de completar...