O organismo encargado de dinamizar este territorio prepara un outono cargado de atractivas e variadas actividades para gozar dun turismo activo. Realizaranse entre o 17 e outubro e o 22 de novembro tendo como escenarios diferentes puntos e concellos pertencentes ao territorio que aspira a ser recoñecido como ‘Patrimonio Mundial da Unesco’ o vindeiro ano.

Entre as diferentes actividades que forman po ciclo deste ano destacan, entre outras, os percorridos do Camiño de Inverno a Santiago, a pintura, a recollida de cogomelos, paseos históricos para coñecer o patrimonio, a experiencia de coñecer o proceso de produción de aceite e participar na recollida da oliva en Quiroga, fotografía, curso de técnica en BTT…

A partires do martes 13 de outubro, estará dispoñible toda a información de cada unha das actividades na web do Consorcio de Turismo Ribeira Sacra e poderán realizarse xa reservas de prazas.

Todas as propostas ofertadas contan cun aforo máximo de 9 persoas máis monitor/formador/guía e sempre que sexa posible, e os espazos e necesidades técnicas o permitan, abriranse novos grupos a medida que se vaian completando.

Dende a organización informan tamén que a realización das actividades quedará suxeita ás condicións meteorolóxicas e indicacións sanitarias vixentes en cada momento.