InicioMedio ambiente e PatrimonioOlga Iglesias: "Triacastela é un dos concellos máis importantes de Galicia en...

Olga Iglesias: “Triacastela é un dos concellos máis importantes de Galicia en historia”

A rexedora di, sobre o futuro Centro de Interpretación da Prehistoria en Galicia, que se traballa nese proxecto, pero "non acaba de arrincar aínda".

Publicado o

- Advertisement -

A alcaldesa de Triacastela, Olga Iglesias, avanzou que este ano seguirán as escavacións no municipio. “Volverá haber outra campaña, hai moitas covas, e estamos impacientes por ver o que se atopa durante 2022″, asegura.

Así se expresou despois das últimas escavacións impulsadas pola Xunta, en colaboración coa USC, a Cová Eirós e Cova das Cabras, que permitiron constatar novos períodos de ocupación humana destas cavidades nunca antes rexistradas.

Segundo informaba a Consellería de Cultura, os últimos traballos arqueolóxicos posibilitaron localizar 50 moedas romanas na Cova dás Cabras, que serven para documentar un nivel de ocupación na segunda metade do século IV despois de Cristo.

A rexedora presume que o municipio Triacastela é “un dos máis importantes de Galicia” en historia polas escavacións en Cova Eirós e en Cova das Cabras. Estes achados levan á rexedora a lembrar “a típica lenda, en moitas aldeas galegas entre elas Triacastela e Cancelo, dos tesouros que había nas covas de ‘mouras”.

Estou moi satisfeita porque en cada escavación atópanse cousas moi interesantes para o municipio e que fan do Concello de Triacastela que sexa moi importante para a historia de Galicia, xa desde o neolítico tiñamos ocupacións. Triacastela é importante na historia do noroeste peninsular e de Galicia”, valora.

CENTRO DE INTERPRETACIÓN DA PREHISTORIA?

En canto á posta en marcha dun futuro Centro de Interpretación da Prehistoria en Galicia, a alcaldesa de Triacastela confirmou que se traballa nese proxecto, pero “non acaba de arrincar aínda”.

Con todo, Olga Iglesias, adiantou que “ao longo deste ano se fará unha exposición con información sobre Covas Eirós”. “Xa temos a información recollida, maquetada e só quédannos por facer os expositores”, explica.

ÚLTIMAS

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...