HomeMedio ambiente e PatrimonioReinterpretando o abandono do rural, o 28 de maio na contorna de...

Reinterpretando o abandono do rural, o 28 de maio na contorna de Parada na Serra do Courel

"O monte con nome" é unha das dúas xornadas vivenciais que acolle o proxecto Laboratorio Mutante para a Ecoloxía dos saberes, unha iniciativa cofinanciada pola ONG Axuda en Acción e A Unión Europea no marco dos proxectos 1planet4all e promovida pola cooperativa Outonía S.coop Galega e a Ilustradora Eva Piay.

Publicado o

POR
Redacción
- Advertisement -

Esta actividade, que se celebrará o sábado 28 de maio, xirará en torno á re-
interpretación do abondono no rural
e desenvolverase na contorna da aldea de Parada, en plena Serra do Courel.

A iniciativa vertébrase a través de tres accións principais:

Da man de Marcos Reinoso -biólogo, habitante do Courel e promotor do proxecto Pía Paxaro- levarase a cabo “A paisaxe re-evolucionada” unha ruta interpretativa que permitirá entender como o concepto de paisaxe sufriu unha evolución a medida que pasaron os anos e se abandonou o campo. Un xeito experiencial de comprender a transformación, a mutación, a re-evolución da paisaxe e polo tanto, a propia revolución da comunidade.

Trala andaina, Nuria Vil -poeta, creadora e activista- facilitará un espazo ás participantes a través da súa proposta “Espertar a palabra” na que a través de diferentes estímulos (fotografías, cheiros, sons…) tratará de alentar a creatividade das persoas participantes para explorar as posibilidades da escrita. Descubrindo a poesía como un xeito posible
de expresión e de representación no cotiá. Reflexionando a través da proposta sobre o abandono, e o xeito que ten a sociedade de interaccionar coa natureza, de consumir e de relacionarse en xeral co medio.

Como colofón á xornada, dende a Fundación Uxío Novoneyra -entidade colaboradora co proxecto- realizarase un pequeno percorrido interpretado pola casa do poeta. Unha antiga casa de labranza con orixe no século XVIII, na que naceu e pasou gran parte da súa vida e onde hoxe se seguen albergando multitude de obras e lembranzas da súa obra e doutras artistas galegas.

As inscricións son gratuítas ata completar aforo. Para máis información:
xornadas.inrural@gmail.com Tlf: 622834164

ÚLTIMAS

Monforte presenta a programación da Feira Medieval na inauguración do Mercado previo a esta cita

A 21ª edición da Feira Medieval celebrarase os días 19 e 20 de abril...

O Ministerio de Transportes responde a Por un Interior Galego Vivo

O Ministerio responde sinalando os plans previstos en determinados puntos das estradas. Están en...

Éxito da carreira Xacorun e para o 3 de maio prepárase a Pretorian Race

No encontro avaliouse o éxito de participación que rexistrou un ano máis a primeira...

Cortes de rúas e ordenación do tráfico este 5 de abril en Monforte

Dende as 17:30 h ata as 20:00 h permanecerá pechado o tráfico de vehículos,...