Aseguran que fai máis dun ano que a área pública, localizada na Lama de Escairón e próxima ás vivendas e centro de saúde, “é utilizada polo Concello como vertedoiro incontrolado e que día a día medra e se expande. O soar destinado ao adestramento de cans de caza, está hoxe repleto de escombros de obra, electrodomésticos e enseres domésticos que xa ocupan a totalidade da parcela, úns dous mil metros cadrados”.

Escombreira na Lama / MSR

A Asociación afirma que as empresas demandan un lugar para depositar os escombros e restos de obra “dado o incremento da actividade de restauración de vivendas no municipio” e solicitan unha vez máis a creación dun Punto Limpo oficial no antigo mercado gandeiro, ao que o rexedor local ten respostado, “precisaría dunha persoa para xestionalo”.

“Non queda outra alternativa máis que a denuncia pública dunha nefasta xestión dos residuos e restos domésticos. Na procura de que a Corporación local lle dea solución a esta demanda e se corrixan as irregularidades e as ilegalidades na xestión do lixo”, conclúe a Asociación veciñal.