O persoal dos Centros de día do Consorcio Galego de Servizos de Igualdade e Benestar situados nos concellos de Monforte de Lemos, A Pobra do Brollón, Ferreira de Pantón e Chantada, así como as Galiñas Azuis situadas nos concellos de Ferreira de Pantón e Chantada iniciarán unha folga indefinida que comezará este xoves día 18 durante toda a xornada. A intención é ampliar a devandita protesta durante os xoves seguintes con paróns das 8:00 ás 11:00 da mañá.
As convocantes avisan tamén dunha concentración programada para mañá, 18 de febreiro, ás portas dos servizos centrais do Consorcio Galego de Servizos de Igualdade e Benestar en San Lázaro, Santiago de Compostela entre as 12 e as 13h.
MOTIVOS DA PROTESTA
A orixe da protesta, segundo manifesta ASOCIATEM -Asociación de Traballadores e Traballadoras Temporais e Indefinidos do Consorcio-, é que a Xunta de Galicia pretende desmantelar o equipo profesional. “E faino no peor momento dunha pandemia na que todas estamos en primeira liña. Así nolo pagan”, comentan.
Láianse tamén de que accederon ao posto de traballo polos sistemas selectivos legais que as Administracións estableceron, e o que recibiron a cambio foron contratos temporais para desempeñar postos de traballo nos que levan máis de 13 anos. Afirman que “a Xunta comete abuso reiterado con nós nos nosos contratos laborais, e agora, en vez de facer o posible para que os nosos contratos sexan fixos, pretenden botarnos a rúa”.
As Directivas Europeas prohiben o uso abusivo da contratación temporal que se está realizando estes anos e dende a Xunta non se buscan solucións a esta solución creada. É máis, moitas e moitos traballadores optan por levar o tema aos xulgados e xa constan numerosas sentenzas xudiciais nacionais recoñecen o devandito abuso.
Dende ASOCIATEM reivindican a profesionalidade contrastada do seu persoal dende hai máis de 13 anos. Un labor profesional realizado con coñecemento das metodoloxías de traballo, dos recursos e características poboacionais dos concellos, dos maiores, nenas e nenos que coidan, así como tamén das súas familias.
“Ante esta situación, na que non nos dan outra saída máis que ir á folga para manter os nosos postos de traballo e os servizos públicos de calidade nos concellos, pedimos as familias a súa solidariedade e recomendamos que dadas as circunstancias non acudan os días de folga aos centros”, conclúen.
Durante 13 años no reclamaron que se sacasen esas plazas a concurso, pero sí equiparar sus derechos a los trabajadores de la xunta. Ahora que la xunta saca a concurso sus plazas quieren un sistema de oposición “adaptado” para ellos. Es eso justo? Fue justo en su día los sistemas selectivos de acceso?