InicioMovementos sociais"Camiñando por Ucraína", 6 andainas solidarias pola Ribeira Sacra

“Camiñando por Ucraína”, 6 andainas solidarias pola Ribeira Sacra

O Consorcio de Turismo da Ribeira Sacra aúna promoción turística e solidariedade organizando para os días 14 e 23 de abril e 1 de maio rutas solidarias con Ucraína.

Publicado o

POR
Redacción
- Advertisement -

O Consorcio de Turismo da Ribeira Sacra asinou un Convenio de Colaboración con Cruz Roja Española en Ourense, un dos organismos que está a dar cobertura ás accións urxentes que proporcionan os servizos necesarios para atender aos ucraínos e ucraínas e reducir o impacto humanitario desta crise.

“Desde que coñecemos a dramática situación que se está a vivir en Ucraína, decidimos artellar unha vía coa que colaborar dende o Consorcio aproveitando algúns dos moitos recursos turísticos cos que conta o xeodestino,” sinalan desde o Consorcio.

“Camiñando pola Ucraína” é o lema do programa de actividades, o cal consistirá na realización de 6 andainas no territorio de Ribeira Sacra, durante varias fins de semana. O prezo da inscrición nestas rutas (10€/persoa) será doado integramente para a causa sinalada.

Sendeiro na Ribeira Sacra / XdL

A distribución das andainas de “Camiñando pola Ucraína” será a seguinte:

14 DE ABRIL:

  • PR-G 237 Sendeiro do miradorio de Matacás (Castro Caldelas)
  • PR-G 249 Camiño Vello de Aldosende (Paradela)

23 DE ABRIL:

  • PR-G 218 Circular de Montouto (Quiroga)
  • PR-G 253 Ruta Granítica de Moura (Nogueira de Ramuín)

1 DE MAIO:

  • PR-G 224 Ruta da Teixeira (A Teixeira)
  • PR-G 242 Ruta da Capela de San Vitorio á Mina de Veneira (A Pobra do Bro

Cada ruta contará cun aforo máximo de 50 persoas. A reserva de prazas poderá facerse a través da plataforma habilitada dentro da páxina web https://turismo.ribeirasacra.org/es/noticias/caminando-pola-ucraina. Para máis información, os/-as interesados poderán poñerse en contacto co Consorcio de Turismo Ribeira Sacra en turismo@ribeirasacra.org ou no teléfono 638 823 592.

A realización desta iniciativa non sería posible sen a colaboración das 6 empresas especializas en turismo activo que se encargarán da coordinación e guiado das rutas de sendeirismo (Coureleando, Milpositivos, Monte da Roda, Rutea, Surbia Natura e Xeitura). Varias xa manifestaron que participarán de xeito totalmente altruista, doando os seus honorarios para a causa, e outras amosaron o seu interese para outras posibles iniciativas semellantes.

ÚLTIMAS

Roteiro Literario para coñecer as localizacións da novela “A Boca do Monte”, en Quiroga

Preto dun cento de estudantes do IES As Lagoas de Ourense coñeceron o pasado...

O BNG pon en marcha, “Arranxo XA das nosas estradas”, campaña para mellorar as infraestruturas viarias na provincia

O Bloque Nacionalista Galego de Lugo inicia unha nova campaña para reclamar o arranxo...

8ª Andaina polo Corazón de Galicia, o 21 de abril en Chantada

O domingo, 21 de abril, celébrase a 8ª Andaina polo Corazón de Galicia, que...

Que acontece coas Unidades de Drogodependencias dos concellos?

Na última xuntanza dos concellos que contan con Unidades Municipais de Asistencia á Drogodependencia...